الكيكة الاسفنجيه

هي مش وصفتي بس انا جربتها ونجحت معايا جدا

8بيضات مفصول الصفار عن البيضا (يفضل أن يكون البيض بحرارة
المطبخ مش بارد)

2 كوب دقيق حلويات فاخر منخول ناقص 2 معلقة (ونستبدل ال2 معلقة بالنشا)

2 كوب سكر
1 معلقة كبيرة باكنج باودر
1 ظرف فانيليا
1/3 كوب ماء عادي
رشه ملح

الطريقه

نحط بياض البيض في طبق ونحط عليه رشه الملح
ويضرب لمده 10 دقايق احد اما يضاعف حجمه ويبقي رغوي

نضيف نص مقدار السكر البودرة (1كوب) على بياض البيض ونخفق تاني

هيبقي لونه فاتح اكتر ونخليه على جنب
نحط صفار البيض في طبق غويط ونحط عليه باقي السكر البودرة (1كوب) ونخفق شوية

ونضيف الفاينليا ونخفق كويس جدا لحد اما لونه يبقي (اوف وايت فاتح) تقريبا مده الخفق 10 دقايق برضو

نحط الدقيق مرة واحدة والماء على دفعتين ثلاثة ونخفق بالخفاقة الكهرباء . يا جماعة هنا مش مهم نحط الدقيق على مهل والكلام ده بس اهم حاجة خليط الصفار والمية والدقيق يبقى مندمج كويس.

نبدأ زي ما كلنا بنعرف بدأ نحط بياض البيض بالتدريب على خليط الصفار ونقلب من فوق لتحت بالراحة .

وتوضع بصينيه عاليه من الجناب عشان تنفش كويس

1- نولع الفرن 10 دقايق على حرارة عالية .
2 ندخل الكيكة بالراحة ونسبيها على الحرارة العالية لمدة 10-15 دقيقة
3- وبعد مرور10-15 دقيقة نوطي النار على حرارة هادية ونسيبها 20 دقيقة
4- بعد مرور ال20 دقيقة نفتح الفرن ونشوفها لو لسة الوسط نيئ نسبها كمان 10 دقايق .

أنا جربتها ونجحت جدا

التعليقات

إضافة تعليق